31 ოქტომბერს, დაზოგვის მსოფლიო დღესთან დაკავშირებით, კოლეჯ „ცხუმ-ეგრისში“, საფინანსო სერვისების პროფესიული საგანმანათლებლო პროგრამის სტუდენტებმა გამართეს თემატური პრეზენტაციები პირადი ფინანსების მართვის, დაზოგვისა და ფინანსური მიზნების დაგეგმვის შესახებ.
ღონისძიების მიზანი იყო ფინანსური წიგნიერების ამაღლება, დაზოგვის კულტურის პოპულარიზაცია და ახალგაზრდებში ფინანსური გადაწყვეტილებების გააზრებულად მიღების ხელშეწყობა.
ღონისძიების ფარგლებში სტუდენტებმა წარმოადგინეს შემდეგი თემები:
„დაზოგვა თუ ხარჯვა?! როგორ ვმართოთ პირადი ფინანსები სწორად“
პრეზენტატორი: დავით სორდია
„დანაზოგი მომავლისთვის - ფულის შენახვა თუ საბანკო ანაბარი?!“
პრეზენტატორი: ქრისტინა ჯაბუა
„ფინანსური მიზნები და ოცნებები - როგორ ვაქციოთ სურვილი რეალობად“
პრეზენტატორი: ირმა ბაძაღუა
პრეზენტაციების ფარგლებში სტუდენტებმა ისაუბრეს ყოველდღიური ფინანსების ეფექტიანი მართვის, დაზოგვის სხვადასხვა შესაძლებლობის და ფინანსური მიზნების მისაღწევად სწორი დაგეგმვის მნიშვნელობაზე.
ღონისძიებამ კიდევ ერთხელ გამოკვეთა ფინანსური განათლების მნიშვნელობა და ახალგაზრდების როლი დაზოგვის კულტურის განვითარებაში.
