ინტერნეტის საერთაშორისო დღესთან დაკავშირებით, კოლეჯ ცხუმ-ეგრისში „ინფორმაციული ტექნოლოგიების მხარდაჭერის“ პროფესიული საგანმანათლებლო პროგრამის სტუდენტებმა გამართეს თემატური კონფერენცია, რომელიც თანამედროვე ციფრული ტექნოლოგიების, ინტერნეტის შესაძლებლობებისა და კიბერუსაფრთხოების აქტუალურ საკითხებს მიეძღვნა.
კონფერენციის მიზანი იყო სტუდენტებში ციფრული წიგნიერების ამაღლება, ინტერნეტის უსაფრთხო და პასუხისმგებლიანი გამოყენების მნიშვნელობის გააზრება, თანამედროვე ტექნოლოგიური ტენდენციების განხილვა და პრეზენტაციისა და კომუნიკაციის უნარების განვითარება.
კონფერენციის ფარგლებში სტუდენტებმა წარმოადგინეს შემდეგი თემები:
„ინტერნეტი ყოველდღიურ ცხოვრებაში" — ლაშა ჯიქია
პრეზენტაცია ინგლისურ ენაზე
„ინტერნეტი და მოზარდები“ — მარიან ნანეიშვილი
„კიბერუსაფრთხოება“ — ზურიკო ლაგვილავა
„ხელოვნური ინტელექტი“ — ლაშა ჯიქია
„ინტერნეტის საერთაშორისო დღე“ — სულხან კვირკველია და ვალო ხაზალია
ღონისძიებამ ხელი შეუწყო სტუდენტების პროფესიული ცოდნის გაღრმავებას, კვლევითი და საპრეზენტაციო უნარების განვითარებასა და ციფრული ტექნოლოგიების თანამედროვე გამოწვევების გააზრებას.
