მიმდინარე წლის 13 დეკემბერს შედგა სამუშაო ჯგუფის სხდომა. რომელზედაც განსახილველად   წარდგენილი იყო კოლეჯის 2025 წლის  სამოქმედო გეგმის პროექტი. დოკუმენტი მუშავდება  თანამშრომლობისა და ძლიერი და სუსტი მხარეების ანალიზის საფუძველზე, კვლევების/პროგნოზების, წინა წლი(ებ)ის სამოქმედო გეგმების შეფასების, შედეგების, ანალიზის, ანგარიშებისა და დასკვნების გათვალისწინებით და სხვა აპრობირებული მეთოდოლოგიით. ერთწლიანი სამოქმედო გეგმა ასახავს სტრატეგიულ გეგმაში წარმოდგენილი მიზნების მიღწევისათვის საჭირო კონკრეტულ ნაბიჯებს და ცხადყოფს სტრატეგიულ გეგმაში მოცემული მიზნების მიღწევის გზებს, ამ მიზნების ერთგვარ „ჩაშლას“ უფრო მცირე და ადვილად მართვად კომპონენტებად.ერთწლიანი სამოქმედო გეგმა (13.12.2024წ.-13.12.2025წ.)  წარმოადგენს მხოლოდ სამუშაო ვერსიას და საბოლოო, შესაბამისი რეკომენდაციებისა და შენიშვნების გათვალისწინებით შეჯერებული საბოლოო ერთობლივი ნაშრომი დამატებით განთავსდება კოლეჯის ოფიციალურ ვებგვერდზე.  

დიაბეტის საერთშორისო დღესთან დაკავშირებით საქართველოს წითელი ჯვრის საზოგადოებამ კოლეჯის პროფესიულ სუდენტებთან საინფორმაციო შეხვედრა გამართა. შეხვედრაზე განხილული იყო დაავადების მართვა, სიმპტომები, პრევენცია. ჩატარდა მსვლელობა და დარიგდა საინფორმაციო ფლაერები.

4 ოქტომბერს სსიპ განათლების ხარისხის განვითარების ეროვნული ცენტრის  პროფესიული განათლების ხარისხის უზრუნველყოფის სამსახურის მიერ  დიაგეგმა   პროფესიული საგანმანათლებლო პროგრამების განმახორციელებელი საგანმანათლებლო დაწესებულებების მასწავლებლების შესაძლებლობების გაძლიერების ტრენინგები, რომელიც ჩატარდა სსიპ - შოთა მესხიას ზუგდიდის სახელმწიფო სასწავლო უნივერსიტეტში . Აღნიშნულ ტრენინგს დაესწრნენ შპს ცხუმ-ეგრისის პროფესიული პროგრამების განმახორციელებელი მასწავლებლები.

სსიპ - განათლების ხარისხის განვითარების ეროვნული ცენტრის  ექსპერტმა , ქეთევან ჯანელიძემ,  ცხუმ-ეგრისის პერსონალთან  საინფორმაციო შეხვედრა გამართა! შეხვედრაზე განხილული იყო პროფესიული საგანმანათლებლო დაწესებულებებისთვის 360 გრადუსიანი თვითშეფასების ელექტრონული სისტემის შემუშავებისა და მართვის საკითხები. სისტემის შექმნის  შემდეგ  დაწესებულებებს ექნებათ შესაძლებლობა თვითშეფასებისთვის გამოიყენონ თანამედროვე, მოქნილი და ინფორმაციის ავტომატურად მართვადი სისტემა ხარისხის უზრუნველყოფის მექანიზმების განვითარებისათვის.

ზუგდიდში   გაიმართა დასაქმების  ფორუმი , რომელშიც მონაწილეობა მიიღეს  ცხუმ-ეგრისის პროფესიულმა სტუდენტებმა და კურსდამთავრებულებმა. ფორუმი ორგანიზებული იყო  სსიპ დასაქმების ხელშეწყობის სახელმწიფო სააგენტოს მიერ. ფორუმების მიზანი სხვადასხვა რეგიონში მცხოვრები მოქალაქეების ეკონომიკური გაძლიერება, ბიზნეს სექტორსა და სამუშაოს მაძიებლებს შორის კომუნიკაციის გამარტივება და დამსაქმებლებისთვის აქტუალური პრობლემის, კადრების დეფიციტის მოგვარებაა.

ფარმაცევტული კომპანია „გეფას“ შეხვედრა ფარმაციის  პროგრამის  სტუდენტებთან გაიმართა  ფარმაცევტული კომპანია „გეფას“ წარმომადგენლების შეხვედრა  ფარმაციის პროგრამის პროფესიულ  სტუდენტებთან.  შეხვედრის მიზანი იყო სტუდენტებისა  და მასწავლებლებისთვის კომპანიის აქტივობების გაცნობა, შიდა ვაკანსიებისა და  სტაჟირების პროგრამის შეთავაზება , კარიერული ზრდის შესაძლებლობის მიმოხილვა. კომპანია „გეფა” სტუდენტებს სთავაზობს: ანაზღაურებად სტაჟირებას სასწავლო პროცესზე მორგებული გრაფიკით (4,6,8 საათიანი სამუშაო დღე, სწავლასთან შეთავსებული) და ყველა წარმატებული სტაჟიორის დასაქმების პერსპექტივას .

19-20 ოქტომბერს, საქართველოს კერძო კოლეჯების ასოციაციის მიერ ორგანიზებულ ტრენინგს საქართველოს ბიზნესის აკადემია-SBA -მ უმასპინძლა. ტრენინგების ციკლი ასოციაციის წევრი კოლეჯების შესაძლებლობების გაძლიერების და მხარდაჭერის პროექტის ფარგლებში ტარდება. მხარდაჭერის პაკეტი რამდენიმე მიმართულებას გულისხმობს. მათ შორის სიმულაციურ საავტორიზაციო ვიზიტებს და კოლეგიალურ ვიზიტებს.  

5 სექტემბერი ფარმაცევტთა საერთაშორისო დღეა! ☀️ამ დღის აღსანიშნავად  ფარმაციის პროგრამის  სტუდენტებს პროფესიული დღესასწაული  მიულოცეს ხარისხის მართვის მენეჯერმა  ნონა თაკალანძემ  და პროგრამის ხელმძღვანელმა  ნინო გადელიამ.    ☀️ღონისძიებაზე მოწვეული  იყო  ფარმაცევტული კომპანია  GM PHARMA-ს სამედიცინო წარმომადგენელი სამეგრელო ზემო სვანეთში მირანდა დადიანი, რომელიც სტუდენტებს ესაუბრა  ფარმაცევტის პროფესიის მნიშვნელობასა    და სფეროში მიმდინარე სიახლეებზე. ასევე  გაიმართა საინტერესო  დისკუსია ისეთ  საკითხებზე, როგორიცაა პაციენტებზე ზრუნვა  და მომხმარებლების ნდობა.