9 ნოემბერს , კოლეჯ ცხუმ-ეგრისში  გაიმართა სამუშაო შეხვედრა კოლეჯის  ადმინისტრაციულ პერსონალთან და მასწავლებლებთან. შეხვედრაზე  წარმოდგენილი იყო  2022-2023 წლის სამოქმედო გეგმის შესრულების ანგარიში და  ახალი ერთწლიანი სამოქმედო გეგმის პროექტი .

. 24 ნოემბერს ცხუმ-ეგრისმა უმასპინძლა სსიპ - დასაქმების ხელშეწყობის სახელმწიფო სააგენტოს  წარმომადგენლებს.  შეხვედრა საინფორმაციო ხასიათის იყო და მიზნად ისახავდა პროფესიული სტუდენტების ინფორმირებას ადგილობრივ და საერთაშორისო შრომის ბაზარზე დასაქმებასა და სტაჟირების  შესახებ  

მოტივაციური გასაუბრების განრიგი

19 ივნისს კოლეჯში სტუმრად იმყოფებოდა ჯიპისის სააფთიაქო ქსელის რეგიონალური მენეჯერი ქალბატონი ნინო როგავა. შეხვედრას ესწრებოდნენ პროგრამა ფარმაციის პროფესიული სტუდენტები, პროგრამის ხელმძღვანელი ქ.-ნი ნინო გადელია და ადმინისტრაციის წარმომადგენლები. შეხვედრა წარიმართა დიალოგის ფორმატში, ქ.-მა ნინომ სტუდენტებს გააცნო ფარმაცევტის კარიერული წინსვლის სქემა და გაუზიარა საკუთარი პროფესიული გამოცდილება , უპასუხა სტუდენტების მიერ დასმულ შეკითხვებს, რომელიც სს „გეფას ქსელში“სტუდენტური სტაჟირების შესაძლებლობებსა და და დასაქმების პრესპექტივებს ეხებოდა.

ექსკურსია შეკვეთი₾ის დენდროლოგიურ პარკში

„აღმზრდელი“-ს პროფესიულ-საგანმანათლებლო პროგრამაზე სასწავლო პროცესის დასრულებას მიეძღვნა ღონისძიება, რომელიც მრავალფეროვანი იყო თავისი შინაარსით. კურსდამთავრებულებმა წარმოადგინეს პრეზენტაცია,რომლის მიზანი პროგრამის ფარგლებში ათვისებული თეორიული და პრაქტიკული უნარების დემონსტრირება იყო.  თვითოეულმა მათგანმა წარმოთქვა სამადლობელი სიტყვა პროგრამის განხორციელებაში ჩართული ყველა მასწავლებლის და კოლეჯის ადმინისტრაციის მიმართ. პრეზენტაციას ესწრებოდნენ კოლეჯის დირექტორი ბ.-ნი გელა მამფორია, , ზუგდიდის მუნიციპალიტეტის სკოლამდელ-სააღმზრდელო მართვის ცენტრის დირექტორი ქ.-ნი ხათუნა თოლორაია, პროგრამის ფარგლებში მოდულების განმახორციელებლები და ადმინისტრაციის წარმომადგენლები. ღონისძიების ფინალური ნაწილი ემოციური იყო, რაც სტუდენტობის წლების დასრულებას ახლავს თან.