სიახლეები

მნიშვნელოვანი საინფორმაციო ღონისძიება!

კოლეჯ „ცხუმ-ეგრისის“ წარმომადგენლებმა მონაწილეობა მიიღეს ქ. სენაკში, მეორე ქვეითი ბრიგადის ტერიტორიაზე, პროფესიული განათლების შესახებ გამართულ მნიშვნელოვანი საინფორმაციო ღონისძიებაში, რომელიც საქართველოს თავდაცვის სამინისტროსა და განათლების, მეცნიერებისა და ახალგაზრდობის სამინისტროს ორგანიზებით გაიმართა. შეხვედრის ფარგლებში სამხედრო მოსამსახურეებსა და მათი ოჯახის წევრებს გავაცანით კოლეჯის საქმიანობა და საშემოდგომო მიღების ფარგლებში გამოცხადებული პროფესიული საგანმანათლებლო პროგრამები. მადლობას ვუხდით ორგანიზატორებსა და თითოეულ მონაწილეს ჩართულობისა და ინტერესისთვის. ჩვენ ვაგრძელებთ ზრუნვას ხელმისაწვდომ და ხარისხიან პროფესიულ განათლებაზე!  

ფარმაცია (სააფთიაქო) - ერთიანი ეროვნული გამოცდების განრიგი!

კოლეჯ „ცხუმ-ეგრისსა“ და სომხეთის არასამთავრობო ორგანიზაცია „Youth is Power“-ს შორის ურთიერთთანამშრომლობის მემორანდუმი (MoU) გაფორმდა.

პარტნიორობა მიზნად ისახავს ახალგაზრდული შესაძლებლობების გაძლიერებას, ინტერკულტურული დიალოგის შექმნას, ერთობლივი პროექტებისა და სასწავლო ტრენინგების განხორციელებას Erasmus+ და სხვა საერთაშორისო ინიციატივების ფარგლებში. კოლეჯი აგრძელებს ინტერნაციონალიზაციის პოლიტიკას, რაც ჩვენს სტუდენტებსა და ახალგაზრდებს მისცემს უნიკალურ შანსს, ჩაერთონ საერთაშორისო მასშტაბის პროექტებში და განივითარონ გლობალური შრომის ბაზრისთვის საჭირო კომპეტენციები. მადლობას ვუხდით „Youth is Power“-ის გუნდს ნდობისთვის და ველოდებით ნაყოფიერ, ერთობლივ აქტივობებს!  

პროფესიული მომზადების კურსის-„პირველადი გადაუდებელი დახმარება“, პირველმა ნაკადმა სწავლა წარმატებით დაასრულა.

ინტენსიური კურსის განმავლობაში, მსმენელებმა შეისწავლეს: გადაუდებელი დახმარების ალგორითმები; გულ-სისხლძარღვთა და სუნთქვის მოშლილობის მართვა; ტრავმებისა და სისხლდენების დროს მოქმედების წესები; კრიტიკულ სიტუაციებში უსაფრთხოების უზრუნველყოფა. თეორიულ კომპონენტთან ერთად, მსმენელები აქტიურად იყვნენ ჩართულები პრაქტიკულ მეცადინეობებში. თითოეული მათგანი უკვე ფლობს ცოდნას, რომელიც შესაძლოა ყველაზე კრიტიკულ მომენტში გადამწყვეტი აღმოჩნდეს. ვულოცავთ ჩვენს პირველ კურსდამთავრებულებს და ვუსურვებთ წარმატებებს!

საქართველოს კერძო კოლეჯების კოლეგიალური ვიზიტი ბათუმში!

    მიმდინარე წლის 5-6 ივნისს, ქ. ბათუმში, საქართველოს კერძო კოლეჯების ასოციაციის წევრი კოლეჯების წარმომადგენლებისთვის მნიშვნელოვანი სამუშაო შეხვედრა გაიმართა, რომელსაც ბათუმის ნავიგაციის სასწავლო უნივერსიტეტმა უმასპინძლა. შეხვედრაში მონაწილეობა მიიღო კოლეჯ „ცხუმ-ეგრისის“ გუნდმა შემდეგი შემადგენლობით: -ნონა თაკალანძე — ხარისხის მართვის მენეჯერი; -სვეტლანა ხასია — სასწავლო პროცესის მართვის მენეჯერი;  ნინო გადელია - ფარმაციის პროფესიული პროგრამის ხელმძღვანელი; -ლუიზა ნაჭყებია — აღმზრდელის პროფესიული პროგრამის ხელმძღვანელი. ვიზიტის ფარგლებში განვიხილეთ ისეთი აქტუალური საკითხები, როგორიცაა: პროფესიული ორიენტაცია; დისტანციური სწავლების გამოწვევები და შესაძლებლობები; ადმინისტრაციული წარმოების ანალიზი. კოლეგიალური ვიზიტები უმნიშვნელოვანესია პროფესიულ საგანმანათლებლო დაწესებულებებს შორის თანამშრომლობის გასაღრმავებლად, საუკეთესო პრაქტიკის გასაზიარებლად და პროფესიული განათლების ხარისხის კიდევ უფრო ასამაღლებლად!

კოლეჯმა ცხუმ-ეგრისმა ესპანეთის ქალაქ ლეონის პროფესიული კოლეჯის „ჯინერ დე ლოს რიოს“ (Giner de los Ríos) მასწავლებელს, ქალბატონ კარმენ მუნიზს უმასპინძლა.

ვიზიტის ფარგლებში ძირითადი ყურადღება ჯანდაცვის მიმართულების პროფესიული პროგრამების გამოცდილების გაზიარებას დაეთმო. ვიზიტის ფარგლებში: გაიმართა შეხვედრები კოლეჯის ადმინისტრაციასთან, საექთნო საქმისა და ფარმაციის პროგრამების მასწავლებლებთან და სტუდენტებთან. განხორციელდა კოლეჯის მატერიალურ-ტექნიკური ბაზის გაცნობა და პრაქტიკული კომპონენტის განმახორციელებელ პარტნიორ ორგანიზაციებში ვიზიტი. ქალბატონმა კარმენ მუნიზმა სტუდენტებსა და მასწავლებლებს ესპანეთში საექთნო საქმისა და ფარმაციის პროგრამების პროფესიული სწავლების საუკეთესო პრაქტიკა და მიდგომები გააცნო. სამუშაო შეხვედრებზე დეტალურად განვიხილეთ სამომავლო პარტნიორობის, ერთობლივი პროექტებისა და მობილობის პროგრამების დაგეგმვის პერსპექტივები. კოლეჯი „ცხუმ-ეგრისი“ მტკიცედ აგრძელებს ინტერნაციონალიზაციის გზას. ევროპული გამოცდილების გაზიარებით, ჩვენ ვქმნით საგანმანათლებლო სივრცეს, რომელიც სტუდენტებს გლობალურ ასპარეზზე წარმატებისთვის ამზადებს!

1 ივნისს მსოფლიოში ბავშვთა საერთაშორისო დღე აღინიშნება!

ამ დღის აღმნიშვნელი ღონისძიება, ცხუმ-ეგრისში, ღია ცის ქვეშ , სპეციალურად პროფესიული პროგრამა აღმზრდელის სტუდენტებისა და მასწავლებლების ბავშვებისთვის გაიმართა. ბავშვებმა ფერადი ცარცებით ლამაზად მოხატეს ეზო და სხვადასხვა გასართობი და სახალისო აქტივობა წარმოადგინეს. ვულოცავთ ჩვენს პატარებს ამ დღესასწაულს და ვუსურვებთ ლაღ და უზრუნველ ბავშვობას  

საგაზაფხულო მიღების აპლიკანტთა შერჩევის განრიგი

დადგინდა კოლეჯის  მე-3 დონის პროფესიულ საგანმანათლებლო პროგრამებზე ( ელექტროობა, საფინანსო სერვისები, ინფორმაციის ტექნოლოგიის მხარდაჭერა)  რეგისტრირებულ აპლიკანტთა შერჩევის   განრიგი. /files/articles/251/content/ce71ad6688371b4.pdf